E Freideg kuerz viru 17 Auer koum et op der Giewelsmillen zu engem schwéieren Accident tëscht engem Auto an engem Moto. Vun der Giewelsmillen an Direktioun Buurschent sinn en Auto an e Moto net laanschtenee komm. Dobäi gouf de Motorradsfuerer liewensgeféierlech blesséiert. D'Strooss huet misste fir de Verkéier gespaart ginn. Op der Plaz ass de SAMU, den Helikopter vun der Air-Rescue souwéi d'Ambulanz an de Sauvetage vun Ettelbréck. Zwou Persoune goufen op der Houschter-Déckt géint 16:22 Auer blesséiert, wéi et en Accident tëscht 3 Autoe gouf. Op der Plaz waren d'Ambulanz, de Sauvetage an d'Pompjeeë vun Housen, souwéi d'Ambulanz vun Ettelbréck. Zu Dikrech gouf um 15:41 Auer eng Fra ugestouss. Si koum mat liichte Blessure mat der Ambulanz vun Dikrech an d'Spidol.