Police a Protection civile notéiere ganz vill Accidenter um Weekend - dat wéinst schmierege Stroossen op ville Plazen. Uerg wor zum Beispill och en Accident um Sonndeg de Moie kuerz no 9 Auer an der Haaptstrooss zu Heeschpelt (Gemeng Wal). De Chauffeur vun enger Camionnette wor mat sengem Gefier vun der Strooss ofkomm an ass dunn an ee Bam gerannt. De Mann gouf an der Camionnette ageklemmt. Op der Plaz waren d'Ambulanz an de Sauvetage vu Bungeref, d'Pompjeeë vu Wahl, de Samu vun Ettelbréck, d'Air Rescue an d'Police vu Réiden.