Um Donneschdeg an der Mëttesstonn géint 12.25 Auer hat et a Richtung Schengen geknuppt. D'Autobunn hat musse kuerz gespaart ginn. Op der A13 tëscht Schëffleng an Diddeleng war et an der Sortie Käl zu engem Accident komm. Eng Fra, déi mat engem SUV ënnerwee war, war engem aneren Auto, deen op hir Spur geroden ass, ausgewach. Eng Kollisioun konnt d'Fra esou evitéieren, ma dofir krut si awer d'kalifornesch Mauer ze paken. Hire Won ass an der Mëtt vun der Autobunn un d'Hale komm. D'Fra um Steier gouf blesséiert, de Schued un hirem SUV ass héich. De Rettungshelikopter war op der Plaz. Ronn eng hallef Stonn war d'Collectrice zou.