D'Police gouf geruff, well e Mann bei engem Sträit an enger Wunneng ugeschoss gouf. Direkt e puer Policepatrulle sinn op d'Plaz gefuer an hunn direkt nom Auteur vun der Dot gesicht, deen nieft enger Waff och e Messer bei sech hat. De Mann hu si an der Géigend vun der Wunneng fonnt, hie war vu sech. Béid Persoune goufe bei der Ausernanersetzung blesséiert an hu misste nach op der Plaz vun engem Dokter versuergt ginn. D'Schosswaff an d'Messer goufe séchergestallt, de Parquet huet eng Ermëttlung ageleet. Nieft der Police war och en Helikopter vun der Air Rescue op der Plaz.